PIDATO BASA JAWA, WALI MURID

Bismilaahirrohmanirrohim

Assalaamualaikum wr wb

Audzubilaahiminasyaitoonirrojim……………

Bapak Pangarsa Sekolah Dasar Bendiljati Kulon 1 ingkang kula hurmati

Bapak Ibu Guru para dwija ingkang ngasta ing Bendiljati Kulon 1ingkang  kula hurmati

 Bapak Ibu wali murid SD Bendiljati Kulon1 ingkang kula hurmati

Bocah-bocah sing dak tresnani

Alhamdulilah sumangga muji syukur ing ngarsaning Gusti Allah  swt ingkang sampun paring barokah . Amargi saking plailahipun kula saha panjenengan sami saget rawuh ing mriki SD Bendiljati Kulan 1 saperlu  nderek purna wiyata putra putri panjengan sami ingkang sampun cekap anggenipun sinau ing mriki.

Salawat saha salam mugi kunjuk  ing ngarsane Kanjeng Nabi Muhaad saw. Ingkang insya Allah kebak maghfiroh amin.

Bapak ibi, para tamu ingkang kula mulyaaken

Kula sowan ing mriki minangka wakil komite, ingkang sampun nitipaken lare lare sampun dipunn gula wentah, dipun gendong kewer kewer wiwit kelas 1 ngantos mboten rinaos sampun 6 tahun.

Alhamdulilah. Marem sanget. Mboten saget matur menapa menapa. Mboten saget caos menapa menapa kejawi matur gunging panuwun ingkang kula aturaken.

Maturnuwun amargi sampun tlaten momong lare-lare wiwit kelas setunggal ngantos kelas 6

Matur nuwun sampun mucal lare lare wiwit dereng saget maca ngantos pinter crita

Maturnuwun sampun kersa nggula wentah kadya yuga piyambak

Maturnuwun sampun sabar nadyanta lare nakal saben dinten ing sekolahan.

Mila yen ta wonten lepat kula dalah para kanca, mugi panjenengan iklas paring pangapura.

Bapak Kepala Sekolah, Bapak Ibu Guru, 6 tahun mboten wekdal engkang sekedap.

Mila menika mugi mugi srawung kula dalah panjenengan mboten ewah. Tetep kulawarga SD Bendiljati Kulan 1. Amin

Mbok bilih mekten anggen kula matur, Nyuwun tambahing pangestu mugi mugi lare lare saget ketampi ing sekolah kados ingkang  dados pepingenanipun. Mugi mugi ugi panjengan sami pinaringan barokah kesehatan saking Gusti Allah swt amin.

Tali kawat nggo tali klapa

Menawi lepat nywun ngapura

Wabilahi taufik wal hidayah wr wb.

Bismilaahirrohmanirrohim

Assalaamualaikum wr wb

Audzubilaahiminasyaitoonirrojim…

Bapak Pangarsa Sekolah Dasar Bendiljati Kulon 1 ingkang satuhu pantes ingurmatan

Bapak Ibu Guru para dwija ingkang ngasta ing Bendiljati Kulon 1ingkang  kula hurmati

 Bapak Ibu wali murid SD Bendiljati Kulon1 ingkang kula hurmati

Bocah-bocah sing dak tresnani

Alhamdulilah sumangga kula derekaken manungku puja ing ngarsane Gusti Allah ingkang kebak asih lan rohmah. Awit saking [palilah sarta barokahipun kula saha panjenengan sami saget hangrawuhi panyuwunipun Bapa Pangarsa SD Bendiljati Kulan 1 saperlu  mangayu bagya purna wiyata putra putri panjengan sami ingkang sampun cekap anggenipun ngangsu kawruh ing mriki.

Salawat saha salam mugya tansah kajiwa kasasira ing ngarsane Kanjeng Nabi Muhaad saw. Ingkang insya Allah kebak maghfiroh amin.

Bapak ibi, para tamu ingkang winantu ing suka rahayu

Kula sowan ing mriki minangka wakil komite, nyulihi tiyang sepun, ingkang sampun nitipaken lare lare saperti dipunn gula wentah, dipun gendong kewer kewer wiwit kelas 1 ngantos mboten rinaos sampun 6 tahun.

Alhamdulilah. Marem sanget. Mboten saget matur menapa menapa. Mboten saget caos menapa menapa kejawi matur gunging panuwun ingkang tanpa pepindhan.

Maturnuwun amargi sampun tlaten momong lare-lare wiwit kelas setunggal ngantos kelas 6

Matur nuwun sampun mucal lare lare wiwit dereng saget maca ngantos pinter crita

Maturnuwun sampun kersa nggula metah kadya yuga p[iyambak

Maturnuwun sampun sabar mrantasi nakale lare saben dinten ing sekolahan.

Mila yen ta wonten lepat kula dalah para kanca, mugi panjenengan iklas paring pangapura.

Bapak Pangarsa, Bapak Ibu Guru, para dwija, 6 tahun mboten wekdal engkang sekedap. Raos pasederekan mugi tansah dipun openi nadyanta kula mboten titip yoga wonten mriki.

Mila menika mugi mugi srawung kula dalah panjenengan mboten ewah. Tetep kulawarga SD Bendiljati Kulan 1. Amin

Mbok bilih mekten anggen kula matur, Nyuwun tambahing idi pangestu mugi mugi lare lare saget ketampi ing sekolah kados ingkang  dados pepingenanipun. Mugi mgi ugi panjengan sami pinaringan barokah kesehatan karaharjan saking Gusti Allah swt amin.

Tali kawat nggo tali klapa

Menawi lepat nywun ngapura

Wabilahi taufik wal hidayah wr wb.