MC basa jawa, memperingati haul simbah

Assalaamu’alaikum warahmatullaahi wabarakaatuhu,
Innalhamdalillaah, nahmaduhu wanasta’inuhu wanastaghfirruhu, wana’uudzubillahi min syuruuri anfusina wa min sayyiati a’maalina, may yahdihillahu fala mudzillalah wa may yudlill fala haadiyalah, asyhadu an-laailaaha illallaah wahdahu laa syariikalahu wa asyhadu anna muhammadan ‘abduhu warasuuluhu. Amma ba’d.

Para pinisepuh saha para sesepuh ingkang satuhu kinabekten rahimakumullah; Para alim, ulama, saha para kyai ingkang lebda ing pamawas ingkang tansah tinuladha dening para ummat, ingkang dipun mulyaaken Allah; Para bapak sumrambah para ibu saha para sedherek sedaya kaum muslimin lan muslimat rakhimakumullah. \ Sumangga kula dherekaken sami manengku puja puji, ngunjukaken raos syukur dhateng ngarsanipun Allah SWT ingkang taksih kepareng paring nugraha kawilujengan dhumateng panjenengan sedaya dalasan kula,



Shalawat saha salam mugi tansah katetepna dhumateng junjungan kita nabi agungMuhammad, SAW, saengga benjang ing yaumil akhir mugi-mugi kita tansah pikantuk syafaatipun. Amin

Para Bapak, para ibu kaum muslimin lan muslimat mliginipun kulawarga Mbah Haji Abdul Qorhan rahimakumullah. Keparenga langkung rumiyin kula minangka jejering pambiwara ingkang kapiji nderekkaken titi laksananing adicara Haul Mbah H. Abdul Qohar dalah Ibu Hajah Toijah

Sak lajengipun, keparenga kula badhe hangaturaken menggah urut reroncening adicara punika ingkang sampun rinacik saha rinantam kirang langkung mekaten :
1. Adicara angka sepisan Pambuka
2. Kalajengaken adicara ingkang angka kalih, Waosan Kalamullah ingkang sampun sinerat ing Pustaka Suci Al-Qur'an, ingkang samangke badhe kasarirani dening …………………..
3. Ndungkap adicara ingkang angka tiga, atur pambagyaharja ingkang hamengku gati, ingkang badhe kasarirani ………………….
4. Wondene adicara ingkang angka sekawan, minangka wigatosing pepanggihan dinten punika, nun inggih Wedharing Pengaosan arupi tausyiyah ingkang badhe kaparingaken dening ……………..
5. Minangka pungkasaning titi laksana pengaosan nun nggih atur panutup.

Hadhirin wal hadhirat, kaum muslimin lan muslimat rahimakumullah, mekaten menggah urut reroncening titi laksana adicara Haul Mbah H Abdulqohar dalah Mbah Hj Toijah ing dalemipun kulawarega Mbah Sitim Mbah Sihab, Mugi-mugi adicara ingkang sampun karantam punika sageta lumampah kanti rancag winantu barakahipun Gusti Allah SWT.

Awit saking menika, sumangga kita sareng-sareng ngaturaken pandonga dhumateng ngarsanipun Gusti Allah SWT mracihnani bilih pepanggihan dinten punika tumunten kawiwitan.

Kinarya murwakani adicara p menika, sumangga kita ngunjukkaen do'a kanti waosan ummul kitab. Kawula dherekaken sumangga. Al fatiihah Matur nuwun.
Ndungkap adicara ingkang angka kalih, nun inggih Waosan Kalamulah ingkang badhe kasarirani dening …………, anamung saderengipun, kasuwun dumateng sedaya jamaah mugi kepareng.

Salajengipun, dhumateng ……………….. kasumanggaaken.

Ndungkap adicara ingkang angka tiga, atur pambagyaharja. ………. (selamat dating dari tuan rumah)

Mekaten menggah atur pambagyaharja sampun kaaturaken Adicara salajengipun wedharing wursita aji saha tausiyah ingkang minangka umsari lan wigatosing pepanggihan dinten punika. ingkang punika, dhumateng almukarrom bapa ………………,

 Adicara salajengipun hastungkara / pamuji donga. Dumateng panjenenganipun… kula sumanggaaken.

Mekaten menggah reroncening adicara Haul Mbah H Abdul Qohar dalah Mbah Hj. Toijah, kula ingkang piniji dherekaken lampahing adicara, temtunipun pinanggih atur ingkang kirang nuju prana saha tindak tanduk ingkang kirang nengsemaken, kanthi andhap asoring manah kula nyuwun gunging samodra pangaksami, kawula pungkasi wassalamu'alaikum warrahmatullahi wabarakatuh